Thursday, January 10, 2008

Bas ek kahani...

Arsa hua purane sahar mein aaye. 10 saal hue honge jab aakhiri baar in galiyon ko dekha tha. Shaadi ke baad pehli baar hi aa payi hoon. Sab badla sa hai. College ke din yaad aa gaye. Girls' Hostel pahunchi to sab aankho ke saamne ghoom gaya.. woh college ki masti..woh dhoom...sab aaj bhi dil mein waisa ka waisa hai. Warden se pata chala ki meri sabse acchi dost bhi aajkal isi sahar mein rah rahi hai. Khushi ka to koi thikana na tha.
Address pata kar ke jaldi se uske ghar pahunchi. Mann jaise jhoom utha. Jamane baad kisi se itni khul ke baatein ki. Beeta waqt jaise aankhin ke saamne aa gaya ho.
Achanak "uski" yaad aayi. Meri dost hamari mediator hua karti thi. "Woh kahaan hai aajkal? Kya kar raha hai? Unn dinon mein to sabse brilliant hua karta tha na. lagta hai Jaise sadiyon purani baat ho." " Are tumko pata nahin? Kaafi saalon tak yahin galiyon mein mara-mara firta raha. Pagal-sa ho gaya tha. Pichhle kuchh saalon se to kisi ko pata bhi nahin ki kahaan gaya."
Dil kahin kho gaya. "Tumhare bina kaise ji paoongi? Kaise rahoongi main tumahare bina?" Jaise aankhon mein sagar samaya ho. saari duniya ko kosate do dil ek doosre se lipate the. "Shayad bhagwan ne yahi likha tha hamari taqdeer mein. Tum apna khayal rakhna. Aur roz raat ko "wo" chand dekhna. Woh tumhen mere kareeb le aayega."
Aaj main ek mahanagar ke bade se flat mein rehti hoon. Duniya ki bhag daud me jaane kab "wo" chand nikalata hai...kab doob jata hai; hunh ; khabar hi nahin hoti. Shayad chand mein daag meri hi vajah se hai.

Nafrat

Nafrat ki ho gayi jeet, jagat re khushi manao;
Lo haar gayi meri preet, Jagat re khushi manao...

Tinka-tinka jod ke maine, rishta ek sajaya...
Rishte mein padi darar, jagat re khushi manao....

Prem ke do aakhar ko maine, dil me mere basaya...
Par dil hi gaya mera toot, jagat re khushi manao...

Chanda-taare dekh ke maine, ragini ek banayi...
Sur, par saje "virag", jagat re khushi manao...